BE-ja dëshiron normalizim të raporteve Kosovë-Serbi

Zëdhënësja e Komisionit Evropian (KE), Maja Kocijancic tha të enjten se Komisioni Evropian do të dëshironte të shihte normalizimin e marrëdhënieve ndërmjet Kosovës e Serbisë.

Ajo tha se bashkëpunimi rajonal paraqet kusht të domosdoshëm për të gjitha vendet e Ballkanit perëndimor në procesin e përafrimit të tyre me Bashkimin Evropian.

“Ky është një qëndrim yni shumë i njohur. Momentalisht jemi të fokusuar në dialogun. Nesër fillon rundi i ri i bisedimeve ndërmjet Beogradit e Prishtinës, të cilat në emër të BE-së i kryeson Robert Cooper”, tha Kocijancic në konferencë me gazetarë, raporton Koha.

Sipas fjalëve të saj, të gjitha çështjet për të cilat është dialoguar deri tash, do të jenë edhe të premten në rendin e ditës, përfshirë këtu edhe vulat doganore. “Shpresojmë të arrihet përparim në bisedime”, tha ajo. /Telegrafi/