Barrikada dhe protesta në veri

Serbët e veriut të Kosovës, kanë bllokuar mbrëmë rrugën Mitrovicë-Zveçan. Automjetet e kanë të pamundur kalimin.

Serbët thonë se pengesat i kanë vënë “me vetiniciativë të frikësuar për zhvillimin e situatës”, transmeton B92.

Në rrugën Mitrovicë-Rashkë, në Rudare të Zveçanit, rruga është bllokuar me rimorkio, materiale ndërtimore etj.

Trafiku në këtë drejtim, që bëhej vetëm në një korsi, është i mundur në rrugët anësore përmes veriut të Mitrovicës

B92 shkruan po ashtu se në Mitrovicë vërehet prania e Policisë së Kosovës, meqë punëtorët e gjykatave paralele serbe kanë protestuar sepse, siç thonë ata, “EULEX-i ka dal nga korniza e statusit neutral”.

Milovan Bigovic thotë se në Beograd më 2008 është arritur “marrëveshja që të aplikohen ligjet e UNMIK-ut e jo të Kosovës”.

“Nëse ndodhë që këtu të ngjallet institucioni i Kosovës, atëherë Mitrovica, Leposaviqi, Zveçani dhe Zubin-Potoku do të spastrohen etnikisht”, ka thënë ai, për të shtuar se “deklaratat e kryeministrit të Kosovës janë hipokrite, meqë nën maskën e luftës kriminalitetet dëshiron të instalojë institucionet e Kosovës në veri”.

Ndërtesa e gjykatës në veri ruhet na Policia e Kosovës dhe EULEX-i. /Telegrafi/