Borko kundër doganierëve të Kosovës

Shefi i delegacionit serb për bisedime me Prishtinën, Borislav Stefanovic, ka thënë se “për Serbinë dhe për serbët në veri të Kosovës, është e papranueshme sjellja e doganierëve të Kosovës”.

“Pushteti në Prishtinë nuk fsheh se deri më 16 shtator do të tentojnë që njëanshëm në kalimet administrative në Jarinje dhe Bërnjak të sjell të ashtuquajturit doganierë të Kosovës”, ka thënë Stefanovic, transmeton Beta, “edhe pse në Bruksel nuk është bërë fjalë për zgjidhje të tillë për kalimet administrative në veriun e Kosovës”.

Stefanovic, gjatë një pauze të Forumit Serbi-BE që mbahet në hotelin Hayatt të Beogradit, ka thënë se “serbët e Kosovës kurrë nuk do ta pranojnë këtë dhe se me rezistencë qytetare do të synojnë ta ndalojnë”.

Sipas Stefanovicit, “Beogradi veç do ta ruaj sovranitetin dhe integritetin e shtetit, por se është një linjë e hollë në mes të zgjidhjes së problemeve të qytetarëve dhe integritetit për çka ekzistojnë qytetarët dhe partitë opozitare që nuk e shohin këtë linjë”. /Telegrafi/