LB: Protestat në Luginë të domosdoshme

Lëvizja për Bashkim shprehu mbështetje dhe e quajti të domosdoshme protestën e popullit shqiptar të Kosovës Lindore kundër shtypjes dhe diskriminimit, të mbajtur një ditë më parë në Bujanoc.

Sipas kësaj lëvizje, në situatën kur serbët e Kosovës po kërkojnë dhe po realizojnë privilegje, populli shqiptar i Kosovës Lindore nuk duhet të ndalet e të heshtë për të drejta.

“Shqiptarëve të Kosovës Lindore (Preshevë, Bujanoc e Medvegjë), të cilët jetojnë në trojet e veta, iu takon e drejta e patjetërsueshme të vetëvendosjes deri në shkëputje nga Serbia”, thuhet në kumtesë.

Sipas Lëvizjes për Bashkim, partitë politike shqiptare të Kosovës Lindore, si dhe institucionet e Prishtinës e Tiranës nuk duhet ta shohin çështjen e popullit shqiptar të kësaj treve si një çështje e të drejtave të njeriut apo e pakicës kombëtare, por si pjesë integrale e çështje së pazgjidhur kombëtare. /Telegrafi/