Markovic: Bojkoti në Luginë, vendim politik!

Ministri serb për Drejta të Njeriut dhe të Pakicave, Milan Markovic, ka thënë se bojkoti i shqiptarëve të Luginës dhe i boshnjakëve të Sanxhakut për regjistrimin e popullsisë, është vendim politik “i pakuptimtë për këto pakica nacionale”.

“Nuk ka dilema se nuk ka arsye për bojkot. Ky është vendim politik që nuk ka lidhje me regjistrimin. Nuk ka dobi nga bojkoti, sepse kështu vetëm mund të ngadalësohet zgjidhja e problemeve, apo ndoshta do të thellohen ato”, ka thënë Markovic për “RTS”.

“Është vështirë të gjenden arsyet për bojkot. Në mesin e regjistruesve janë përfaqësuesit e pakicave. Kur është fjala te shqiptarët, është interesant momenti në të cilin përfaqësuesit e tyre janë përcaktuar për bojkot. Mendoj se këtë duhet lidhur me situatën në Kosovë dhe se ata po bojkotojnë për llogari të dikujt në Prishtinë”.

Regjistrimi i popullatës në Serbi është paralajmëruar të bëhet në mesin e parë të tetorit. /Telegrafi./