Qeveria serbe: Nuk është kjo Dita D

Shefi i kancelarisë së qeverisë serbe për bashkëpunim me media, Milivoje Mihajlovic, ka thënë se në pikat kufitare mes Kosovës dhe Serbisë do të vijnë përfaqësuesit e EULEX-it, dhe se doganierët dhe policët e Kosovës “nuk do të kenë kurrfarë roli”.

“Situata është e komplikuar, por nuk është dramatike... Serbët nuk kanë arsye të shqetësohen, dhe kjo nuk është dita D”, ka thënë Mihajlovic, transmeton vestionline.

Ai i ka ftuar serbët e Kosovës t’i shmangen “provokimeve”, sepse kështu - sipas tij - “do të ndihmohet pushteti në Prishtinë dhe qëllimet e tyre”.

“Nga serbët e veriut të Kosovës pres ta ruajnë urtësinë, sepse nuk ka rrezik që qeveria e Prishtinës të instalohet në veri, pa marrë parasysh që Thaçi mundohet këtë ta shfaq”. /Telegrafi/