Rexhepi: Operacioni është kryer pa problem

Ministri i punëve të Brendshme të Kosovës, Bajram Rexhepi, ka thënë se në pikat kufitare të veriut të Kosovës gjenden pjesëtarët e policisë dhe të doganës së Kosovës, bashkë me pjesëtarët e EULEX-it.

Rexhepi ka thënë se operacioni është zbatuar para orës 8 dhe se bartja është kryer me helikopterë nga baza e KFOR-it në Leposaviq.

EULEX-i, ka thënë Rexhepi për Tanjug, do të zbatojë pjesën operative të punës, ndërsa zyrtarët kosovarë do të kenë rol teknik.

Rexhepi ka thënë se operacioni është kryer pa probleme. /Telegrafi/