Jovanovic: Serbia nuk është koloni e Rusisë

Serbia është vend demokratik dhe sovran, për të cilin është e
papranueshme të durojë fyerje na cilido përfaqësues diplomatik, madje as
nga ambasadori i Rusisë në Beograd, vlerësoi të premten kryetari i
Partisë liberal-demokratike, Cedomir Jovanovic.“Incidenti i
ambasadorit Aleksandar Konuzin, me të cilin ai me qëllim ka fyer
Serbinë, institucionet e saj dhe qytetarët, duke i akuzuar se ata nuk e
duan sa duhet vendin e tyre, nuk bën të tolerohet”, ka thënë Jovanovic
në deklaratën me shkrim dërguar medieve serbe.

Ai shton se pret reagim të shpejtë të institucioneve dhe masa në
përputhje me praktikën e zakonshme diplomatike pas këtij incidenti të
ambasadorit. “Serbia nuk është koloni e askujt dhe ambasadori i Rusisë
duhet ta respektojë pavarësinë e saj dhe t’i përmbahet rregullave
diplomatike”, ka thënë Jovanovic. /Telegrafi/

Skandali i ambasadorit rus në Beograd:

https://www.youtube.com/watch?v=5xfqomfJkzQ