Hudhra, aleat natyror i zemrës

• Hudhrat janë aleatet bimore më të mira të zëmrës. Nëse hani shumë hudhra do arrini të mbani nën kontroll presionin e gjakut dhe të mbroheni nga sëmundjet kardiovaskulare.

Të paktën ky është përfundimi i një studimi të kryer nga një ekip shkencëtarësh britanikë. Sipas autorëve të studimit efekti dobiprurës i atribuohet, një substance të njohur si sulfur hidrogjeni (H2S) që lëshohet nga rruazat e kuqe në kontakt me polisulfuret që përmban hudhra. Sipas tyre dy thelpinj hudhre të një madhësie mesatare lejon zgjerimin e 72 për qind të mureve të enëve të gjakut, duke shkaktuar një ulje të rëndësishme të presionit të gjakut. Ulja e presionit ndikon në uljen e rrezikut, për shfaqjen e sëmundjeve kardiovaskulare. Mënyra se si vepron H2S nuk është shumë e qartë, por mendohet se mekanizmi molekular ka të bëjë me proceset që bllokojnë dëmtimet oksidative në nivel qelizor. Roli i hudhrave është parë të jetë mjaft relevant dhe në parandalimin e shumë patologjive të tjera, si dhe disa formave tumorale.