Shtyrja e akrepave të orës mund të shkaktojë rraskapitje

Shumë njerëz e shfrytëzojnë kthimin prapa të akrepave të orës për ta fituar një orë më tepër në shtratin e tyre – por, eksperti i gjumit thotë se kjo mund të ndikoj që njerëzit në fakt të lodhen më tepër.

Edhe ndryshime të tilla të vogla, thotë Dr Neil Stanley, mund ta çrregullojnë rutinën e gjumit dhe të shkaktojnë semisomni – apo rraskapitje të shkallës së ulët të shkaktuar nga pushimi i pamjaftueshëm. Ai vlerëson se mund të na duhen deri në tre ditë për tu përshtatur në mënyrë të plotë me këto ndryshime.

Eksperti nga Spitali i Norwich dhe Norfolk thotë se duhet të ndahet pak kohë për relaksim para se të shkohet në shtrat. "Njerëzit mund të ndjehen të relaksuar dhe më të freskët paso të zgjohen në mëngjes një orë më vonë, por në fakt trupit të tyre do ti duhen tre ditë që të përshtatet me ketë ndryshim një-orësh të orarit të fjetjes.

"Me më tepër se 30 milion njerëz në vend që vuajnë nga “Semisomnia”, është shumë me rëndësi të kuptohet se sa ky ndryshim i orarit të fjetjes do të ketë efekt në trupin e tyre," thotë ai.

Dr Stanley, në raportin e tij thotë se mënyra më e mirë që njerëzit ti ndihmojnë trupit të tyre që të ballafaqohet me këtë ndryshim kohor është që të ndajnë pak kohë më tepër për relaksim para se të shkohet në shtrat për këto tre ditë vijuese. Ai thotë: “Qelës i gjumit të rehatshëm të natës është relaksimi i duhur para fjetjes, por 6 nga 10 njerëz nuk e bëjnë këtë gjë në mënyrë të rregullt, andaj si rezultat edhe i vuajnë pasojat.

Njerëzit duhet të përgatiten për gjumë në mënyrë të njëjtë sikurse ngrohjet që bëhen para ndonjë aktiviteti sportiv. Kjo ka rëndësi sidomos në kohën e shtyrjes prapa të akrepave të orës, por unë shpresoj se njerëzit do të shfrytëzojnë këtë që të adoptojnë shprehi të reja dhe ta fillojnë një rutinë të përhershme të relaksimit para se të bien në shtrat për gjumin e natës. /Telegrafi/