Pushohet nga puna pasi ishte shumë “seksi”

New York, 5 qershor - Zyrtarja e një banke amerikane, Debralee Lorenzana, me origjinë nga Porto Riko, ka vendosur të padisë ish-bankën, e cila e ka pushuar nga puna pasi që ishte “shumë seksi”.

Zyrtarja e “Manhattan Citybank” ishte shumë atraktive për kolegët e saj, të cilët “nuk mund të përqendroheshin në punë”, dhe për këtë menaxhmenti e pushoi nga puna.

Lorenzana nuk u pajtua me vendimin e bankës dhe vendosi që këtë ta zgjidhë në gjykatë.

Ajo i tha gjykatësit se rrobat e saj nuk ishin arsye për ngacmim, por që nga dita e parë në bankë, në mënyrë të ndryshme, kanë thënë për të gjëra të pavërteta, pasi që nuk dëshironte të ishte intime me kolegët e saj.

Avokati i Lorenzanas do t’i tregojë porotës fotot e saj në rroba të ndryshme, të cilat i ka bartur gjatë orarit të punës.