"Rally Albania" starton sot, pa Kosovën

Tiranë, 6 qershor - Gara e makinave, "Rally Albania" do të startojë sot në rrugët e Shqipërisë. Starti i garës do të bëhet sot në orën 11:00 në bulevardin "Dëshmorët e Kombit" në Tiranë. Këtë vit do të marrin pjesë garues nga 12 shtete: Itali, Greqi, Spanjë, Gjermani, Çeki, Sllovaki, Slloveni, Austri, Bullgari, Poloni, Zvicër, Shqipëri", njofton Balkanweb. Kosova, siç po shihet nuk është aty. Gjithsej do të marrin pjesë 260 garues. Ndërkohë dje kanë mbërritur garuesit, të cilët do të bëjnë regjistrimin dhe përgatitjet për garën e nesërme. Për këtë garë, organizatorja Julinda Dhame siguron pjesëmarrësit, por edhe të gjithë ata që do ta ndjekin garën, se do të ketë asistencë teknike profesionale, pasi garat e 'Rally'-t zhvillohen në rrugë të vështira me rrezikun e aksidenteve.