WWDC: Përveç iPhone 4G, pritet edhe Magic Trackpad

Si duket, befasia e konferencës vjetore të kompanisë Apple, e njohur ndryshe si WWDC, nuk do të sjell vetëm produktet e njohura, të cilat adhuruesit e kësaj kompanie i presin me padurim.
Sipas Engadget, në këtë konferencë pritet që përveç modelit të ri të iPhone, të prezantohet edhe një produkt i ri, i cili thuhet se do të emërtohet Magic Trackpad.

Lidhur me këtë pajisje, tashmë janë shfaqur edhe disa pamje të turbullta në internet, mirëpo thuhet se kjo pajisje e thjeshtë, pa shumë butona, do të jetë diçka në mes të tabletit iPad, dhe laptopëve të Apple.

Gjithashtu besohet se, Magic Trackpad do të lidhet përmes Bluetooth’it, dhe do të përmbajë edhe një hapësirë të ndjeshme në prekje, e cila do të duhej të kryen funksionin e tastierës, apo edhe të mausit tradicional.