Majlinda e artë edhe në Austri

Xhudistja kosovare Majlinda Kelmendi (52 kg) ka fituar medaljen e artë në kupën evropiane "Top A" për juniore të mbajtur në Austri, ka njoftuar trajneri i saj Driton Kuka të hënën. Kelmendi në finale ka mposhtur xhudisten izraelite Cohen. "Majlinda edhe një herë dëshmoi se nuk ka konkurrencë në kupën evropiane. Kjo medalje ka domethënie të madhe për të, pasi i ka ngritur moralin para kupës evropiane për seniore, që mbahet javën e ardhshme në Talin të Estonisë", tha përzgjedhësi i Përfaqësueses së Kosovës në xhudo Kuka. Në Austri u paraqitën edhe Nora Gjakova, Distria e Leutrime Krasniqi. Gjakova (57 kg) u mposht në finale.