Majlinda e pesta në Paris

Majlinda Kelmendi ka përfunduar në vendin e pestë në ‘grand-slam’ turneun e xhudos të mbajtur në Paris, në kategorinë deri 52 kilogramë.

Majlinda zhvilloi gjithsej tri duele, dy prej të cilave i fitoi, por në gjysmëfinale kosovarja u mposht nga spanjollja Ana Carrascosa, të cilën më parë e kishte mposhtur Majlinda.

Përkundër pozitës së pestë, që nuk dëshmon potencialin e vërtetë të sportistes tonë më të mirë, të vlefshme janë edhe 60 pikët olimpike të grumbulluara. Tani Majlinda gjendet në pozitën e 17-të të ranglistës olimpike dhe në vendin e 14 të ranglistës botërore.