Dënohen tetë vetë për tragjedinë e Bopalit në Indi

Një gjykatë në qytetin indian të Bopalit ka dënuar tetë ish punonjës të fabrikës së pesticideve Union Carbide në lidhje me një rrjedhje gazi helmues të përpara 25 vjetëve nga i cili humbën jetën mijëra vetë.
Është e hera e parë që dikush është shpallur përgjegjës për atë që ishte aksidenti më i madh industrial në botë.

Një nga të tetë personat u dënua pas vdekjes,ndërsa shtatë të tjerët, përfshi edhe një nga ish menaxherët e lartë të fabrikës, u dënuan me dy vjet heqje lirie për shkaktim të vdekjes për shkak të neglizhencës.

Aktivistët dhe të afërm të viktimave protestuan jashtë ndërtesës së gjykatës, duke thënë se dënimet ishin të vonuara në kohë dhe shumë të buta.

Raxhkumar Kesuani, një gazetar i cili ishte në Bopal natën e katastrofës i tha BBC-së se vendimi ishte padrejtësia e fundit pas shumë vitesh fushatë. /bbc/