KS i OKB-së pritet të miratojë sanksione të reja kundër Iranit

Organizata Ndërkombëtare për Energjinë Bërthamore me seli në Vjenë e vlerësoi si "rast të posaçëm" Iranin për shkak të dimensionit të mundshëm ushtarak të programit të tij të diskutueshëm atomik.
Për organizatën tonë është ende e paqartë nëse programi atomik iranian i shërben vetëm qëllimeve paqësore, tha shefi i Organizatës Ndërkombëtare për Energjinë Bërthamore, Yukiya Amano në Vjenë.

Këshilli i Sigurimit i Kombeve të Bashkuara siç duket këtë të mërkurë do të vendosë sanksione të reja edhe më të ashpra kundër Iranit.

Në raportin e fundit të Organizatës Ndërkombëtare për Energjinë Bërthamore thuhet se Irani ka vazhduar me zgjerimin e pasurimit të diskutueshëm të uraniumit. /DW/