SHBA-të i dorëzojnë KS-së projektrezolutën për sanksione ndaj Iranit

Projektpropozimi i ri përmban sanksione të fuqishme përfshi kufizimet mbi importin e armëve konvencionale, kufizimet për aktivitetet e raketave ndërkontinentale dhe ndalimin e udhëtimit si dhe ngrirjen e pasurive për disa pjesëtarë të fuqishëm të Korpusit të Gardës Revolucionare
.




Rezoluta gjithashtu do të hartojë një kornizë pune mbi kontrollet e anijeve të mallrave në portet detare dhe në det të hapur, duke u kërkuar shteteve që të kontrollojnë çdo anije që mendohet se mund të jetë duke transportuar ngarkesa të ndaluara dhe të konfiskojë ngarkesën si dhe ta zhdukë atë.

Ambasadorja amerikane në Kombet e Bashkuara, Susan Rice, tha se synimi i rezolutës është i dyfishtë. Fillimisht për të shtuar koston e udhëheqjes iraniane për sfidimin e vazhdueshëm të komunitetit ndërkombëtar. Dhe së dyti, për ti mbushur mendjen Iranit se është në interesin e tij për të zgjidhur në rrugë paqësore shqetësimet rreth programit të tij bërthamor. Rezoluta kërkon mbështetje dhe jo zëvendësim të përpjekje për të nxituar Iranin në rrugë diplomatike. /VoA/