Podolski: Do ta mposhtim Australinë

Gjermania ndeshet me Australinë në ndeshjen e parë të saj të dielën, ndërsa sulmuesi i shumanshëm Lukas Podolski, e ndjen veten favorit ndaj ‘kangurëve’ australianë.
“Natyrisht, ekziston një lloj presioni pasi që në ndeshje hyjmë si favoritë, por ne do t’u hyjmë me besim tri ndeshjeve në fazën grupore dhe vërtet dëshirojmë ta fitojmë ndeshjen e parë. Ne e dimë se Australia do të jetë defensive, por do të tentojmë të gjejmë hapësira. Ne duhet t’i përdorim sulmuesit tanë dhe të gjejmë rrugë depërtuese”.

“Gjermania ka një grup shumë të mirë të lojtarëve të rinj, të cilët e kanë fituar kampionatin evropian U-21 sezonin e kaluar. Si Spanja, ne kemi sjellë shumë lojtarë të mirë dhe kjo do të shihet të dielën kur do të fitojmë”, është shprehur Podolski për FIFA.com.