Podolski: S’ka arsye për frikë

Përballja mes dy rivalve historikë ë botën e futbollit, Anglisë dhe Gjermanisë, vlerësohet si një nga ndeshjet më magjike. Ndeshja mes tyre luhet të dielën dhe vëmendja do të përqëndrohet në Bloemfontein.
Sulmuesi i Gjermanisë, Lukas Podolski deklaroi me bindje se skuadra e tij nuk ka asnjë arsye për të patur frikë nga ballafaqimi me Anglinë, e drejtuar nga Fabio Capello. Sipas tij, objektivi i skuadrës gjermane është kalimi në çerekfinale.
Në lidhje me situatën në kampin gjerman, 25-vjeçari tha se atmosfera ështe pozitive. “Të gjithë jemi të vetëdijshëm se humbja do të thotë largim nga botërori. Asnjëherë një skuadër gjermane nuk ka dështuar në kalimin e fazës së grupeve, prandaj edhe objektivi për këtë ndeshje është i madh”, tha Podolski.