Haradinaj: Kyçja e Vetëvendosje në politikë, legjitime

Kryetari i Aleancës për Ardhmërinë e Kosovës, Ramush Haradinaj e ka quajtur legjitim, vendimin e Lëvizjes “Vetëvendosje” për t’u kyçur në jetën politike, ndërsa sa i përket arrestimit të Albin Kurtit, ka thënë se sikur Kurti, edhe policia ka të drejtat dhe duhet ta ushtrojë funksionin e vet.
"Vendimi për t'u kyçur në jetën politike është legjitim, është diçka e zakonshme dhe e drejtë e ‘Vetëvendosjes’ dhe njerëzve të ‘Vetëvendosjes’. Veprimi i ndalimit ose arrestimit të Albin Kurtit, mund të shpjegohet në dy nivele. Nëse ka urdhër arrest, policia e kryen punën e vet”.

Haradinaj ka thënë kjo duhet kuptuar “ashtu si Albini ka të drejtat e veta në vend, po ashtu edhe policia ka të drejtat e veta edhe ushtron një funksion”. /rtv21