RNW: Haradinaj do ta fitojë lirinë

Radio Netherlands Worldwide (RNW) thotë se lideri i AAK-së, Ramush Haradinaj së shpejti do të jetë i lirë. Sipas kësaj radioje, Haradinaj deri më tani s’ka mundur të rëndohet për asnjë krim.

Edhe dëshmitari Shefqet Kabashi solli një çudi para gjykatës, duke thënë se në malet e fshatit Jabllanicë nuk kishte burg, gjë që me këtë lehtëson akuzat e pretenduara ndaj Haradinajt.

Gjykata është duke e mbajtur edhe më tutje të mbyllur Kabashin dhe ka kërcënuar atë se do ta dënojë me 7 vjet burgim, ose të paguaj deri në 100 mijë euro.

Nga gjykata është duke u hulumtuar se mos vallë Kabashi është një ndër personat e frikësuar, raporton “Ina”. Mirëpo, deri tash nuk është gjetur ndonjë shenjë se bëhet fjalë për frikësim të Kabashit. /Telegrafi/