Lirohet përkohësisht Ramush Haradinaj

Prishtinë, 8 dhjetor - Tribunali i Hagës ka miratuar kërkesën për të liruar përkohësisht nga burgu Ramush Haradinajn. Atij i lejohet qëndrimi në Kosovë nga 17 dhjetori deri më 14 janar të 2011 me një sërë kushtesh. Kushti kryesor është që ai të mos largohet nga Prishtina, të mos bëjë asnjë deklaratë publike dhe çdo të dytën ditë të lajmërohet në policinë e EULEX-it, raporton KTV. Haradinaj kishte bërë kërkesë për lirim të përkohshëm për të qenë afër bashkëshortes së tij e cila pritet të lind fëmijën e tyre të tretë në këtë periudhë kohore. Ndërkohë Trribunali një kërkesë të njëjtë ia ka refuzuar Lah Ibrahimajt.