Vazhdon gjykimi i rastit Haradinaj

Në Tibunalin e Hagës ka vazhduar procesi gjyqësor ndaj ish-kryeministrit të Kosovës, Ramush Haradinaj, dhe bashkëluftëtarëve të tij, Idriz Balaj e Lahi Brahimaj.

Për të dytën ditë në Tribunal po jep dëshminë e tij ish-shefi i Shtabit të Përgjithshëm të UÇK-së, Bislim Zyrapi. Ai ka ripohuar se në UÇK ka munguar një zinxhir i organizuar komandues, në përputhje me teoritë ushtarake.

Në seancën e djeshme, në fillim të dëshmisë së tij, Zyrapi ka folur për furnizimin me armatim të UÇK-së dhe logjistikën e saj. /Telegrafi/