Tiranë, shpërthen bombola, 2 të vdekur e 4 të plagosur

Dy persona kanë gjetur vdekjen dhe katër persona të tjerë kanë mbetur të plagosur nga shpërthimi i një bombole gazi.
Ngjarja tragjike ndodhi në Sauk të Tiranës, lagje periferike e kryeqytetit, kur bombola ka shpërthyer duke shkaktuar flakë brenda banesës.

Policia dhe forcat zjarrfikëse kanë mbërritur në vendin e ngjarjes, ku kanë nisur punën duke transportuar të plagosurit në spital. Ende nuk dihen shkaqet e shpërthimit dhe as emrat e familjarëve të vdekur në këtë ngjarje të rëndë. /Start/