Ambasadorët në Tiranë takohen me Berishën

Tiranë, 23 janar - Kryeministri i Shqipërisë, Sali Berisha është takuar sot me ambasadorët e vendeve të rëndësishme të akredituar në Tiranë. Për më shumë se dy orë është diskutuar mbi ngjarjet e dhunshme të ndodhura gjatë demonstratës së 21 janarit përpara kryeministrisë. Dje ambasadorët zhvilluan një takim edhe me presidentin Bamir Topi, ku theksuan rëndësinë e kthimit të dialogut politik.
Kreun e delegacionit të Bashkimit Evropian në Tiranë, Etore Sekui, ambasadori i SHBA-së Aleksandër Arvizu, ambasadorja e Britanisë së Madhe, Fiona McIlëham, ambasadori italian, Sabah D'Elia, ambasadori i Danimarkës, Karsten Ankjaer Jensen si dhe ambasadori i OSBE-së në Tiranë, Eugen Volfart, duket se i kanë shprehur kryeministrit Berisha shqetësimin e tyre për këtë situatë. Edhe pse nuk ka pasur asnjë prononcim prej tyre, pritet që zyra e kryeministrisë të zbardhë më vonë detaje të këtij takimi me dyer të mbyllura.