Emiratet Arabe do të financojnë aksin Tiranë-Elbasan

Tiranë, 25 qershor - Rruga Tiranë-Elbasan, një tjetër aks i rëndësishëm që pritet të lidhë Shqipërinë me Shkupin dhe më tej me Sofjen, do të financohet nga Emiratet e Bashkuara Arabe. Premtimi është bërë të premten nga ministri i Jashtëm i Emirateve të Bashkuara Arabe, Sheikh Abdullah bin Zayed Al Nahyan, gjatë një takimi me kryeministrin Sali Berisha.
"Do të financojnë rrugën Tiranë-Elbasan, një ndër projektet më prioritare infrastrukturore të qeverisë shqiptare, si dhe po shikojnë me mjaft interes dhe përparësi edhe projekte të tjera të mëdha, si Boshti i Jugut, portet, resortet turistike projektet për bashkëpunimin në transportin ajror", është shprehur Al Nahyan.
Ministri Al Nahyan, theksoi se hapja në Abu Dabi e ambasadës shqiptare dhe hapja në një kohë të afërt e ambasadës së EBA-së në Shqipëri, do të jenë një ndihmë e madhe për forcimin e bashkëpunimit të suksesshëm mes dy vendeve. Kreu i qeverisë i shprehu shefit të diplomacisë së EBA-s mirënjohjen e qeverisë shqiptare për mbështetjen e përhershme dhe të gjithanshme të këtij vendi në zhvillimin dhe modernizimin e Shqipërisë.
Ministri Al Nahyan vlerësoi ndryshimet e thella të Shqipërisë në një vit nga vizita e tij e fundit, "falë reformave të jashtëzakonshme dhe vizionit të kryeministrit Berisha dhe qeverisë shqiptare".
Berisha i shprehu ministrit Nayhan mirënjohjen për njohjen e pavarësisë së Kosovës si dhe për mbështetjen e madhe në rindërtimin dhe zhvillimin e saj, duke theksuar se Kosova po dëshmon se është faktor i rëndësishëm paqeje dhe stabiliteti në rajon.
Ministri arab pasdite ka marrë pjesë në inaugurimin e aeroportit të Kukësit, me ç’rast u shpreh i nderuar që ky aeroport do të mbajë emrin “Sheikh Zyed”, dhe i shprehu Berishës mirënjohjen që qeveria shqiptare vendosi t’i jepte këtij