Presidenti Obama viziton sërish rajonin e Gjirit të Meksikës

Presidenti amerikan, Barack Obama shkon sot në rajonin e Gjirit të Meksikës duke vizituar tre shtete të prekura nga katastrofa e rrjedhës së naftës atje.
Vizita e presidentit në Misisipi, Alabama dhe Florida sot dhe të martën do jenë të parat në këto shtete. Tre vizitat e mëparshme u përqendruan në Luizianën e goditur rwndw nga rrjedha e naftës.

Kur të kthehet në Washington të martën, presidenti do ti drejtohet vendit nga Shtëpia e Bardhë, për të përshkruar planin e tij në ndihmë të rimëkëmbjes së zonave të prekura.

Të mërkurën, ai do të takohet me zyrtarët e lartë të kompanisë BP dhe do tu kërkojë atyre të krijojnë një numër llogarie speciale për të paguar pretendimet për dëmtime nga individët dhe kompanitë e prekura nga kriza.

Obama është kritikuar për trajtimin e krizës që filloi me 20 prill kur një platformë shpimi nafte shpërtheu duke vrarë 11 njerëz dhe dëmtuar një depozitë nafte në fund të detit e cila filloi të rrjedhë mijëra fuçi naftë çdo ditë në Gjirin e Meksikës. /VoA/