Izraeli ngre komisionin e vet hetimor për sulmin

Izraeli thotë se po ngre komisionin e vet të hetimit për aksionin e komandove izraelite përpara dy javësh në anijen që transportonte ndihmë për palestinezët në Gaza.
Nëntë aktivistë turq janë vrarë gjatë bastisjes, e cila provokoi një reagim të madh ndërkombëtarë kundër bllokadës izraelite në Gaza.

Në një deklaratë qeveria izraelite tha se komisioni publik i pavarur do të përfshinte në të dy vëzhgues të huaj, ish politikanin veri-irlandez dhe fituesin e çmimit Nobel të paqes, David Trimble, dhe gjeneralin kanadez të dal në pension, Ken Watkin.

Izraeli ka hedhur poshtë thirrjet për një hetim nga ana e OKB-së.

Komiteti ndërkombëtar i Kryqit të Kuq i ka kërkuar Izraelit të heq bllokadën e vetë ndaj Gazës.

Në një deklaratë të pazakonte ky komitet theksonte se bllokada ishte një shkelje e qartë e të drejtës ndërkombëtare.

Ajo po ashtu akuzonte administratën e Hamasit se kishte shkelur të drejtën ndërkombëtare duke i mohuar akses Kryqit të Kuq tek ushtari izraelit i rrëmbyer katër vjet më parë, Gilad Shalit.

Kryeministri izrealit, Benjamin Netanyahu, ka thënë se ai po diskuton mënyrat për të përmbushur nevojat humanitare të Gazës, ndërkohë që pengon hyrjen e armëve në Rripin e Gazës.

Ish Kryeminisri britanik Toni Bler i tha BBC se ai shpresonte se deklarata e Netanjahu nënkuptonte një ndryshim politik në këtë drejtim.

"Mendoj se në ditët e ardhshme, unë shpresoj se mund të ketë lëvizje të rëndësishme në këtë drejtim sepse presioni do të rritet.

Dhe e vërteta është se ka një mënyrë, siç e përcaktojë me të drejtë z. Benjamin Netanjahu se ka një mënyë për të bërë dallimin mes aspektit të sigurisë dhe aspektit të jetës së përditshme.

Dhe nëse e mbajmë parasysh këtë dallim atëherë mendoj se mund të gjejmë përgjigjen e saktë dhe mund të fillojmë më te shumë shpejt." /bbc/