Qeveria themeloi Komisionin Kombëtar për Refugjatë

Në mbështetje të Kushtetutës dhe Rregullores së Punës, Qeveria e Republikës së Kosovës të enjten ka themeluar Komisionin Kombëtar për Refugjatë.
Komisioni përbëhet nga Islam Caka, kryetar i Komisionit dhe drejtor i Departamentit për Shtetësi, Azil dhe Migracion në Ministrinë e Punëve të Brendshme, Lulëzim Aliaj nga ZKM, që është edhe zëvendëskryetar i Komisionit, Leunora Ahmeti MPMS, Besim Myrtezani MAPL, Naime Abazi MD, Suzana Krasniqi MPJ, Lulëzim Rafuna MEF, Isni Kryeziu MASHT, Bujar Reshtani UNHCR, Behxhet Shala KMDLNJ dhe Fatime Haliti QKRMT.

Komisioni shërben në afat prej dy vjetësh dhe gjatë këtij mandati do të punojë në harmoni me legjislacionit në fuqi, theksohet në vendimin e nënshkruar nga kryeministri i Republikës së Kosovës, Hashim Thaçi.