Qëllohet me pistoletë mjeku i Spitalit Ushtarak

Një ngjarje e rëndë është shënuar sot në Spitalin Ushtarak në Tiranë ku një mjek për pak desh ka mbetur i vrarë me armë zjarri.
Ngjarja ndodhi rreth orës 11:00 të paradites kur shtetasi Besnik Nikoci që ndodhej pavionin e specialiteteve në Spitalin Ushtarak ka nxjerrë një armë tip pistolete dhe ka qëlluar në drejtim të mjekut Besim Lame.

Për fat të mirë asnjë nga të shtënat nuk ka kapur mjekun, ndërsa në atë moment pavioni me dhjetëra persona në të, (pacientë ose bluza të bardha) është përfshirë nga paniku.

Mësohet se autori ka shtënë disa herë ne ajër dhe me pas është larguar me shpejtësi nga vendi i ngjarjes.

Paraprakisht dyshohet se ngjarja nuk ka lidhje me detyrën e mjekut, por ka ndodhur për motive të dobëta. Dyshohet për një konflikt tërësisht personal mes mjekut Lame dhe shtetasit Nikoci.

Gjithsesi një ekspertizë me detaje nga policia do te jete ajo që nxjerrë përfundime për ngjarjen që tronditi Spitalin më të rëndësishëm në vend. /Balkanweb/