Nuk lejohen 3 deputetë të PS në Spitalin Ushtarak

Tiranë, 23 janar - Deputetja e Partisë Socialiste, Vasilika Hysi, së bashku me dy deputetë të tjerë, Ledi Shamku dhe Xhemal Qefalia, janë ndaluar të hynë sot në mbrëmje në ambientet e Spitalit Ushtarak.
Hysi deklaron për News 24 se “nuk lejohemi të vizitojmë Fiqiri Xibrin”. Sipas deputetes së PS-së, moslejimi i tyre është “shkelje e hapur e ligjit, pasi deputetët mund hyjnë në spital pa autorizim”.
Fiqiri Xibri, kreu i Sindikatës së Minatorëve, u arrestua më 21 janar gjatë demonstratës së opozitës përpara Kryeministrisë. Mbi të është ushtruar dhunë dhe ka përfunduar në spital.
Xibri njihet edhe nga protesta e kaluar e opozitës shqiptare, kur kamerat e kishin kapur, duke shpërndarë kompensimin në para për pjesëmarrës të grevës së urisë.