Dhjetë huliganë argjentinas nuk lejohen në Afrikë të Jugut

Johanesburg, 8 qershor - Dhjetë huliganë argjentinas të grupit "Barra Bravas" nuk janë lejuar të hynin në Afrikën e Jugut për të përcjellë Botërorin. Ata janë kthyer në Buenos-Aires përsëri, ka njoftuar të hënën AP-ja.

Grupi është i njohur për problemet e shkaktuara nëpër stadiumet argjentinase. Ata kanë kaluar dy ditë nën arrest, në pritje për t'u deportuar nëpërmjet Aeroportit të Johanesburgut në atdheun e tyre. "Ata kanë qenë të droguar në masë të madhe", kanë thënë zyrtarë të Ambasadës argjentinase në Afrikë të Jugut.