Pacolli në Afrikë, kërkon njohje të reja të Kosovës

Zëvendëskryeministri i parë i Kosovës, Behgjet Pacolli, ka
intensifikuar aktivitetet lobuese në Afrikë, në kuadër të fushatës për
shtimin e numrit të njohjeve për Kosovën. Pas vizitës në Republikën e
Ganës, ku u takua me krerët më të lartë të këtij vendi, të premten
Pacolli e vazhdoi turneun e tij lobues edhe në Bregun e Fildishtë.Sipas
një njoftimi të Zyrës së Pacollit, thuhet se ai do të qëndrojë të
premten në qytetin Abidjan, ku do të takohet me presidentin e Bregut të
Fildishtë, Alassane Ouattara. Po ashtu, Pacolli do të marrë pjesë edhe
në ceremoninë inauguruese të presidentit të ri të këtij shteti.
Aktiviteti lobues i zëvendëskryeministrit të Republikës së Kosovës do
të vazhdojë edhe në Guinea Konakri dhe në Afrikën Qendrore. Ai ka thënë
se është i bindur se njohja e Republikës së Kosovës nga shteti i Ganës
është shumë afër, dhe se do të ketë njohje të reja të Kosovës nga
shtetet afrikane. /Telegrafi/