Nokia sjell modelin N8 me 12MP dhe incizim në HD

Nëse keni qenë adhurues i telefonave Nokia ndër vite, atëherë ju sigurisht e keni vërejtur se kompania finlandeze nuk ka konkurruar shumë ashpër me rivalët e saj, për një kohë të gjatë.
Modelet e ngjashme si N97 ose X6 ishin trumbetuar shumë nga Nokia në vitet e fundit, mirëpo asnjëri nga këto modele nuk e ka fituar zemrën e kritikëve, dhe kryesisht për shkak të sistemit operativ, i cili është mjaft mbrapa nëse krahasohet me iPhone ose Android.

Tani që N8 është këtu dhe sjell shumë funksione në telefonin e prodhuar nga Nokia, ne mund të listojmë disa nga funksionet që ky model sjell: kamerë 12MP, video-incizim në formatin HD, porte për ruajtje të brendshme të dhënash, një media player të avancuar, si dhe versionin e ri të sistemit operativ, Symbian^3 OS.

Mirëpo, ju vendosni nëse ky model i Nokia’s është kompatibil me rivalët e saj si iPhone 4 ose HTC EVO 4G.