Motorola sjell modelin e ri, Milestone XT720

Motorola e ka filluar javën me risi interesante, pasi që ka lansuar telefonin e mençur, i cili llogaritet se përmban mundësitë më të avancuara sa i përket ekranit të ndjeshëm në prekje. Modeli i ri, i quajtur Milestone XT720, posedon kamerë me 8 mega-piksel bashkë me opsionin prej 720p për incizim me kamerë dhe “playback”.
Bashkë me këto funksione interesante, Motorblur vjen në këtë telefon së bashku me sistemin operativ Android, dhe versionin e tij të fundit, Android 2.1.

Ngjashëm sikurse modeli paraprak Motoroi, edhe Milestone përmban ekran prej 3.7 inç (854x480), mirëpo ky model ka edhe disa shtesa të tjera të veçanta, të cilat nuk janë në modelin e HTC’së, Droid.

Dalja HDMI për video mundëson një rikthim të plotë të videos, si dhe disa kontrolle të kamerës, përmes tastierës standarde për smartphone, QWERTY.

Modeli i ri Milestone, pritet që të vijë në Evropë në muajin korrik, fillimisht në Mbretërinë e Bashkuar, e më pas edhe në vendet tjera të eurozonës.