Motorola fillon promovimin e tabletit Xoom

Ditëve të fundit, Motorola ka lëshuar spotin e saj reklamues për kompjuterin e saj tablet Xoom, i cili bazohet në sistemin operativ Android.

Motorola Xoom është ndër kompjuterët e parë tablet i cili bazohet në versionin e sistemit operativ Android 3.0 Honeycomb, ndërsa në reklamën e saj kompania ka shfaqur disa detaje të këtij sistemi operativ në punë.

Siç ju kemi njoftuar edhe më parë, Motorola Xoom është kompjuter tablet i cili posedon ekranin e ndjeshëm në prekje me 10.1 inç, rezolucionin me 1280 x 800 pikselë, ndërsa aty është edhe procesori me 1GHz në “dual-core” bashkë me kamerën me 5 mega-piksel, e cila mund të incizojë HD video në kualitetin 720p.

Specifikat tjera të Xoom përfshijnë edhe akselerometrin, barometrin, gjiroskopin dhe kompasin, ndërsa në treg ka dy modele të këtij tableti.