Lippi: Nuk patëm fat

Pasi pa Italinë e tij të bjerë nga piedestali, me një barazim prej 1-1 ndaj Zelandës së Re, që ka futbollistë pa kontratë profesioniste në skuadër, Marcello Lippi deklaroi se skuadra e tij thjeshtë nuk pati fat.
“Ne nuk patëm dhe aq fat, por duhet të pranohet se nuk luajtëm një ndeshje të madhe. Ta fillonim ndeshjen në atë mënyrë, na dha një detyrë tjetër nga ajo që kemi menduar. Skuadra luajti me dëshirë të madhe, por na mungoi mprehtësia në momentet e caktuara”.

“Duhet të thuhet se fati nuk ishte në anën tonë. Ne e goditëm shtyllën dhe lëshuam disa projektile në drejtim të portës. Tani duhet ta fitojmë ndeshjen e fundit nëse duam të shkojmë më tutje”, deklaroi Lippi pas takimit.