Selimi paralajmëron ndërrime në polici

Ushtruesi i detyrës së drejtorit të Policisë së Kosovës, Behar Selimi ka paralajmëruar se do të ketë gradime për zyrtarët policor të cilët tregojnë rezultate të kënaqshme në punën e tyre, ndërsa do të ketë edhe degradime për ata që tregojnë ngecje.
Ardhja e drejtorit të ri në Policionë e Kosovës ka sjellë dhe pritet të sjellë risi në këtë institucion.

Selimi thotë se se do të vlerësohet ai që ka rezultate në parandalimin dhe luftimin e krimit dhe aksidenteve, dhe po ashtu ai që këtë punë e bën me më pak burime materiale dhe njerëzore.



“Pas gjashtë muajsh mund të krijohen disa situata në të cilat unë duhet t’i lëviz disa eprorë nga një pozitë tjetër për t’ua dhënë edhe një shans, kurse nëse edhe në shansin e dytë tremujor nuk e respketojnë, atëherë do të më duhet t’i degradoj disa, kurse disa t’i vë në listën e atyre që mund të avancohen dhe që i plotësojnë edhe disa kushte formale, por me prioritet të kenë rezultate”, është shprehur Selimi.

Ai tha se me komandantët e stacioneve së shpejti do të fillojnë të dalin me raportet e para të punës së tyre që prej kur e ka lëshuar letrën në muajin prill.

“Por pas tre muajve unë do do të bëj vlerësimet e para, por duke marrë parasysh edhe konsultimet e zyrtarëve komunal për të ardhur deri te procesi i rishikimit të tyre”, ka thënë Selimi. /KosovaSot/