Polica heton vrasjet në Viti

Polica heton vrasjet në Viti

Katër persona janë vrarë, të hënën në mëngjes, në rrugën magjistrale Viti-Kllokot, kur persona ende të panjohur, kanë shtënë me armë zjarri në drejtim të makinës së tyre. Zyrtarë të Policisë së Kosovës thanë se dy nga të vrarët janë shtetas të Republikës së Maqedonisë dhe dy të tjerë nga Kosova.
Udhëtari i pestë, që thuhet të ketë shpëtuar nga të shtënat, ka pësuar lëndime por jo nga të shtënat e armëve.

"Në rajonin e Gjilanit, më saktësisht në rrugën Viti-Kllokot, ka pasur të shtëna nga armë zjarri në drejtim të një makine civile dhe si pasojë e kësaj katër persona kanë humbur jetën. Dyshohet se dy nga atë vdekurit janë shtetas të Republikës së Kosovës dhe dy të tjerë shtetas të Republikës së Maqedonisë", tha për BBC-në zëdhënësi i policisë Baki Kelani.

Sipas tij, policia ka filluar hetimet dhe deri më tani nuk janë të njohura motivet e sulmit.

Ai tha se autoritetet policore në Prishtinë kanë vendosur kontakte me zyrtarët maqedonas për të hetuar lidhjet e mundshme të dy shtetasve të vrarë nga Maqedonia me ndonjë grup të caktuar kriminal.

Kelani tha se personi që i ka shpëtuar sulmit mund të ndihmojë në zbardhjen e rastit. /bbc/