Balotazhi i nevojshëm për zgjedhjen e presidentit të Polonisë

Balotazhi i nevojshëm për zgjedhjen e presidentit të Polonisë

Rezultati i zgjedhjeve presidenciale në Poloni ka favorizuar kryetarin e Parlamentit, i cili nuk ka arritur megjithatë të marrë votat e nevojshme.
Bronislaw Komorowski, sipas të dhënave të para zyrtare pas numërimit të 94 përqind të votave ka fituar 41,2 për qind të votave, ndërsa rivali i tij konservator, vëllai i presidentit të vdekur Lech Kaczynski, Jaroslav Kaczynski 36,7 për qind, bëri të ditur Komisioni Zgjedhor Shtetëror.

Pjesëmarrja në votime ishte 54,85 për qind. Për shkak se asnjë kandidat nuk ka arritur të fitojë shumicën absolute të votave, më 4 korrik do të zhvillohet balotazhi mes dy kandidatëve kryesorë, Komorowskit dhe Kaczynski-t. /DW/