Çmimi i naftës ngritët mbi 78 dollarë për barel

Londër, 21 qershor - Çmimet e naftës janë ngritur sot mbi 78 dollarë për barel, pas njoftimeve të Kinës për të stabilizuar juanin kundrejt dollarit, duke rritur besimin e investitorëve në rimëkëmbjen globale dhe kërkesën për naftë.

Çmimi i naftës së papërpunuar në bursën e Londrës u rrit sot për 1.46 dollarë në 78.64 dollarë për barel.

Kursi kinez i këmbimit u forcua sot, ndërsa Banka Qendrore kineze ka paralajmëruar se vlera e juanit nuk do të rritet në mënyrë dramatike për shkak të fleksibilitetit më të madh në normat e këmbimit.

Tregtarët parashikojnë se juani më i fortë do të bëjë disa mallra që vlerësohen me dollarë, siç është nafta, të jenë më të lira në Kinë dhe do të ndikojë në rritjen e kërkesës, raporton AP.

Ndërsa, euro u ngrit për 0.2 % kundrejt dollarit, në 1.241 dollarë.