Këpucëtari për gjashtë vjet ndërtoi një aeroplan

Këpucëtari për gjashtë vjet ndërtoi një aeroplan


Një këpucëtar kinez, i cili ka përfunduar vetëm shkollën
fillore, me sukses kreu fluturimin e parë testues në fluturaken të cilën
e kishte punuar vetë.

Huang Jianjun, nga fshati Taoyuan në
provincën Hunan, kaloi gjashtë vjet duke dizajnuar dhe ndërtuar
fluturaken e tij.
Përkundër protestës së familjes, ai më 2004 la profesionin e
këpucëtarit dhe filloi të blejë libra për aviacionin si dhe ta ndërtojë
një aeroplan.
Në projektin e tij investoi 12.000 euro dhe kaloi disa vite duke
kërkuar pjesë për aeroplan dhe duke i montuar ato. “Ëndrra ime ka qenë
ta kem një aeroplan timin”, tha Jianjun për mediat kineze.