Shumë skandale në AKP

Prishtinë, 25 qershor - Auditori Gjeneral i Kosovës ka zbuluar një mal shkeljesh në Agjencinë Kosovare të Privatizimit, shkruan sot e përditshmja “Zëri”. Shkeljet më të mëdha, të identifikuara nga auditori në këtë raport, lidhen me kontratat e AKP-së me shtëpitë kosovare televizive.

Befasia më e madhe në këtë raport është se dosja e tenderit, si dhe kontratat me shtëpitë televizive nuk janë përgatitur nga autoriteti kontraktues, përkatësisht nga AKP, por kontratat janë përgatitur nga operatorët fitues.

“Dosja e tenderit si dhe kontratat me shtëpitë televizive nuk janë përgatitur nga
autoriteti kontraktues. Këto kontrata janë përgatitur nga operatorët ekonomikë fitues”, thuhet në raportin e auditorit për pasqyrat financiare të AKP-së për vitin 2009.

Po ashtu në raport thuhet se autoriteti kontraktues nuk na ka prezantuar dëshmi bindëse rreth pranimit të shërbimeve nga shtëpitë televizive, përkatësisht nga Radio Televizioni i Kosovës (RTK), Kohavisioni (KTV) dhe Radio TV 21, përveç faturave të lëshuara nga operatorët ekonomikë.
Në shkrim si parregullësi përemnden punmësimi i stafit në shpërputhje me kriteret mbi përgatitjen profesionale, shpenzimet e mëdha telefonike (në vitin 2009 – 52.167 euro)...