Më shumë dhjam, më pak tru

Më shumë dhjam, më pak tru


Rezultatet e studimeve të reja të publikuara në revistën
shkencore Annals of Neurology tregojnë se personat të cilët kanë më
shumë ind yndyror në zonën e abdomenit kanë vëllim të përgjithshëm më të
vogël të trurit.

Shkencëtarët nga Massachusetts kanë
vërejtur se disa parametra të rëndësishëm si: indeksi i masës trupore,
vëllimi i belit, raporti i belit dhe vitheve dhe sasia e indit yndyror
nënlëkuror dhe të brendshëm (në zonën e abdomenit) janë të lidhur me
vëllim më të vogël të trurit, i cili matet me ndihmën e rezonancës
magnetike.
Në hulumtim kanë marrë pjesë 733 personat të eksperimentuar me moshë
mesatare rreth 60 vjet.
Është e njohur se vëllimi i përgjithshëm më i vogël i trurit është i
lidhur edhe me rrezik më të madh të prekjes nga demenca, andaj ky studim
tregon edhe një arsye për t’u kujdesur sa më shumë për vijën e trupit.