Mbi 7 000 shtetas të Maqedonisë bëhen “bullgarë”

Sofje, 25 qershor – Numri i shtetasve të Maqedonisë të cilët kanë marrë shtetësinë bullgare këtë vit ka arritur në 7 201, tregojnë të dhënat e qeverisë së Bullgarisë.

Ky numër pasaportash të dhëna kap periudhën e gjashtë muajve të parë të vitit, përderisa muajin e kaluar janë dhënë 271 pasaporta bullgare për shtetasit e Maqedonisë me origjinë bullgare.

"Nuk është befasi që nga shteti bullgar nuk ka nevojë që këta njerëz të kenë një certifikatë për një origjinë bullgare. Bullgaria beson se të gjithë maqedonasit janë me origjinë bullgare”, shkruan gazeta Novinite, duke cituar Bozhidar Dimitrovin, ministër përgjegjës për bullgarët jashtë shtetit.

Sipas rregullave të shtetit bullgar, pothuajse çdo maqedonas me origjinë sllave ka të drejtë që të kërkojë një pasaportë bullgare. Shtetasit maqedonas, në mënyrë që t'u jepet shtetësia, është e mjaftueshme vetëm të deklarojnë origjinën e tyre bullgare, por jo edhe ta dëshmojnë atë.