Tadic: Kishat serbe po bëhen kosovare

Presidenti i Serbisë, Boris Tadic tha të premten se arti modern mund ta ndihmojë pajtimin si fusha e vetme në të cilën kanë vazhduar shkëmbimet që nga luftërat e vitit 1990 në ish-Jugosllavi. Këto komente Tadic i bëri në një konferencë që pasoi takimin e nëntë presidentëve të vendeve të Evropës Juglindore, i cili u zhvillua në një lokalitet arkeologjik afër qytetit Kostollac.

Në fjalën e tij, Tadic foli edhe për trashëgiminë kulturore e fetare serbe në Kosovë, një pjesë e së cilës është nën përkujdesjen e UNESCO-s. “Ato objekte përfaqësojnë thelbin e identitetit serb. Fizikisht ato janë, fatkeqësisht të rrezikuara nga ekstremistët... Po ashtu jemi dëshmitarë të përpjekjeve politike të Prishtinës për të ndryshuar identitetin e padiskutueshëm të këtyre shenjtëroreve në një identitet kosovar”, tha ai.

Ndërkohë, në një deklaratë të përbashkët, pjesëmarrësit e samitit që u mbajt nën patronazhin e UNESCO-s u zotuan se do të mbesin të përkushtuar plotësisht për procesin e pajtimit në Evropën Juglindore për të ndërtuar një të ardhme paqësore, prosperuese e evropiane për tërë rajonin. /Telegrafin/