Stacionet e autobusëve të bëhen ndërmarrje publike

Ministria e Infrastrukturës (MI), organizoi të martën
konferencën me temë “ Koncept dokumenti mbi statusin pronësor të
stacioneve të autobusëve në Kosovë“. Qëllimi i saj ishte definimit dhe
të zgjedhja përfundimtare, Ministria e Infrastrukturës e ka përgatitur
koncept dokumentin mbi statusin pronësor të stacioneve të autobusëve në
Republikën e Kosovës.Ministria e Infrastrukturës, viteve të
fundit ka ndërmarrë një varg aktivitetesh rreth parandalimit të
privatizimit të aseteve të stacioneve të autobusëve. Kjo ministri ka
adresuar këtë çështje edhe në Agjensionin Kosovar të Privatizimit (AKP),
ku është arsyetuar me argumente të mjaftueshme qëndrimi i MI-së kundër
privatizimit stacioneve të autobusëve, duke theksuar edhe përvojat nga
vendet e rajonit dhe më gjerë si dhe perspektivën e zhvillimit të
transporti rrugor të udhëtarëve.
Në këtë konferencë u diskutua rreth zgjidhjes së statusit të
stacioneve të autobusëve në vend, ku shumica e diskutuesëve thanë se
këto stacione duhet të transformohen nga ndërmarrjet shoqërore në
ndërmarrje publike dhe se nuk duhet të bëhet privatizimi i tyre sepse
pas privatizimit, ka gjasa që të ndërrohet destinacioni i tyre. /Telegrafi/