“Danas”: E vërteta e hidhur, kishat e manastiret janë të Kosovës

Opinioni në Serbi duket se ka nisur të mendojë me logjikë të
ftohtë sa i përket realitetit në Kosovë. Një koment i botuar në gazetën
beogradase “Danas”, i cili flet për kishat dhe manastiret serbe në
Kosovë, tregon se ato tashmë nuk i përkasin Serbisë.“E
vërteta e hidhur në vend të gënjeshtrave të ëmbla”, është titulli i
këtij shkrimi të gjatë i cili shpjegon se Serbia me investimet e saj të
mëdha në kishat e Kosovës, është duke i bërë nder vetë Kosovës.
Pavarësisht se këto kisha e manastire, shteti serb i shikon si të
vetat, në realitet ato janë të Kosovës, sepse ndodhen në Kosovë dhe do
të mbeten përgjithmonë në Kosovë, transmeton Zëri.
“Nëse këta dy milionë banorë të Kosovës do të ktheheshin në sistemin e
drejtësisë së Serbisë, dhe do të fitonin të drejtën e votës, pasaportën
dhe të drejtat qytetare që i kanë edhe qytetarët tjerë të Serbisë, pa
asnjë autonomi tjetër politike, është krejtësisht e qartë se pas më së
shumti 20 vjetësh, Republika e Serbisë do të kishte jo vetëm një
president shqiptar, por do të ndryshonte krejtësisht struktura
shoqërore”, thuhet në komentin e botuar në “Danas”.
Ndër të tjera gazeta shkruan se “po të hapë Serbia sytë, atëherë do
ta shikojë realitetin e hidhur dhe do përfundonte me gënjeshtrat e ëmbla
të saj”. /Telegrafi/