Studentja shefe e stacionit policor në rajonin famëkeq të Meksikës

Studentja shefe e stacionit policor në rajonin famëkeq të Meksikës


Studentja e kriminalistikës Marisol Valles Garcia (20 vjeçe) pranoi me siguri punën më të vështirë në qytetin meksikan Guadalupe. Vetëm ajo u paraqit në konkurs dhe u bë shefe e stacionit të policisë në qytetin të cilin e kontrollojnë narko-kartelet.
Të hënën për shefen e re të policisë ka qenë dita e parë e punës. Natyrisht, nuk ishte aspak e letë për të. E presin shumë punë, aspak të lehta. Ende nuk është zgjidhur rasti i vrasjes së ish kryetarit të qytetit Jesus Manuel Lara Rodriguez, i cili u vra në qershor pasi që mori disa kërcënime me vdekje nga narko-bandat të cilat kontrollojnë rajonin.

Nuk është thjeshtë të jesh njëri prej 10.000 banorëve të qytetit Guadalupe, e aq më pak shef i policisë. Shefja e re e policisë, megjithatë thotë se nuk është në përgjegjësinë e saj lufta kundër narko-karteleve, por ajo është punë e agjencive tjera për ruajtjen e rendit.